Brión é un concello galego da provincia da Coruña que se atopa a uns 13 kms. ao oeste de Santiago de Compostela, limitando cos concellos de Ames, Lousame, Negreira, Noia, Outes, Rois e Teo. Pertence á comarca de Santiago de Compostela.

O seu territorio ocupa 74.9 km² e ten unha poboación de 7772 habitantes distribuídos en 106 aldeas, repartidas en 9 parroquias. A súa capital é Pedrouzos, na parroquia de Brión, onde se atopan algúns dos seus principais servizos en materia de cultura, educación, sanidade e seguridade.

O seu relevo é ondulado cunha altura mínima de 30 metros sobre o nivel do mar e unha máxima de 525. 

Xosé Luis García García, actualmente do PSdeG-PSOE foi alcalde do concello de Brión de xeito ininterrumpido desde as primeiras eleccións democráticas, celebradas en 1979, continuando na actualidade no cargo. Inicialmente foi independente e nas eleccións municipais de 2007 encabezou a lista do PSdeG-PSOE, sendo reelexido como alcalde. A súa corporación está composta por trece concelleiros, tendo a maioría absoluta con oito, seguido do PP con dous, un do BNG e un non adscrito.